明珠閣 (已結業)

之前系沙田闲逛时随时揾一间食个下午茶就入左明珠阁，发现下午茶扺食又大份，今日趁住又去沙田行街就同老公二人决定试埋个晚试。位置方便，沙田火车站一出行几分钟就是。店入算坐得舒适。今次嗌左个例汤，笼仔金银蒜海虾蒸饭，珍珠赛螃蟹。嗌例汤时侍应已通知冇晒汤渣问我介唔介意，我平时都少食汤渣冇乜所谓啦，今日系青红萝卜汤，都仲有两旧萝卜可以食下。首先黎左个虾饭先，老公劲赞，好香蒜味，就算冇其他𩠌就咁食都唔会觉得寡呀。饭唔会太淋，虾系弹牙唔会霉，份量唔细，足够二人食。珍珠赛螃蟹我好钟意食赛螃蟹，食过咁多间呢间系其中一间好好食，足料，好香。两个人埋单$391，打包左汤同赛螃蟹听日带番工lunch食，围番唔贵啦！