影片
更多
2020-10-27
155 浏览
好钟意写食评，除咗想介绍啲好嘅餐厅食肆比一众为食仔、为食女外，其实餐厅嘅服务都好重要，遇到一啲殷勤招待，令食客有宾至如归嘅餐厅食肆，都要比啲好评赞赏下，以示鼓励一下一班咁有heart嘅员工。旺角为食仔除左食物质素一流外，员工招呼的确非常好，值得一次又一次比赞👍🏻👍🏻。🍹每次黎为食仔都必会order菠萝沙冰，沙冰系用新鲜菠萝打成，甜度适中，打边炉边食边饮，估唔到又几夹。上几次黎都系食麻辣鲍鱼鸡煲同招牌卜卜蚬煲，今次侍应姐姐介绍食招牌龙虾🦞海鲜锅，见佢赞口不绝，一于今晚就order呢个锅叹下😋。🥢哗，个锅一黎到🥘，真系哗一声，好有睇头，一只开边波士顿龙虾🦞铺左系锅中间，伴随有两只大蟹钳，侧边周围仲有成十只中虾🦐同埋卜卜蚬铺满成个锅，滚左大约7、8分钟，打开煲盖食得啦😋⋯⋯龙虾拆左肉，真系长过只手板，啖啖肉，口感超满足，而且入口弹牙鲜甜；中虾都好大只，虾头有膏，都系鲜甜肥美，招牌卜卜蚬唔洗讲，只只肥嘟嘟，令汤底加多份鲜味，侍应姐姐真系冇介绍错；锅底仲有大量旺菜、什菌、豆腐等配料，真系两个人就咁食呢个锅都够饱。🥢今次order本地牛，牛边抓，呢个位置系包围牛腩位嘅肌肉位置，脂肪特别多，只须要系
旺角为食仔除左食物质素一流外，员工招呼的确非常好，值得一次又一次比赞👍🏻👍🏻。
🍹每次黎为食仔都必会order菠萝沙冰，沙冰系用新鲜菠萝打成，甜度适中，打边炉边食边饮，估唔到又几夹。
菠萝沙冰
7 浏览
0 赞好
0 留言
上几次黎都系食麻辣鲍鱼鸡煲同招牌卜卜蚬煲，今次侍应姐姐介绍食招牌龙虾🦞海鲜锅，见佢赞口不绝，一于今晚就order呢个锅叹下😋。
🥢哗，个锅一黎到🥘，真系哗一声，好有睇头，一只开边波士顿龙虾🦞铺左系锅中间，伴随有两只大蟹钳，侧边周围仲有成十只中虾🦐同埋卜卜蚬铺满成个锅，滚左大约7、8分钟，打开煲盖食得啦😋⋯⋯龙虾拆左肉，真系长过只手板，啖啖肉，口感超满足，而且入口弹牙鲜甜；中虾都好大只，虾头有膏，都系鲜甜肥美，招牌卜卜蚬唔洗讲，只只肥嘟嘟，令汤底加多份鲜味，侍应姐姐真系冇介绍错；锅底仲有大量旺菜、什菌、豆腐等配料，真系两个人就咁食呢个锅都够饱。
招牌龙虾海鲜锅
9 浏览
0 赞好
0 留言
🥢今次order本地牛，牛边抓，呢个位置系包围牛腩位嘅肌肉位置，脂肪特别多，只须要系热锅中渌两渌夹起，非常有口感，慢慢咀嚼牛肉鲜味慢慢系口腔爆发，应真唔讲得笑，坚好食😋。
牛边抓
32 浏览
0 赞好
0 留言
🥢白鳝片，厚薄适中，滚两滚夹起，肉质仍然非常坚挺，鲜味十足。
白鳝片
4 浏览
0 赞好
0 留言
🥢特色四宝墨鱼丸 - 四款墨鱼丸包住唔同馅料系入边（芝士、鹅肝、奶黄、黑松露）食得出系手打嘅功夫，非常弹牙；我觉得味道最出系鹅肝同芝士味😋。
特色四宝墨鱼丸
26 浏览
0 赞好
0 留言
🥢蔬菜拼盘，蔬菜洗得好干净企理，非常翠绿，索晒龙虾汤汁，入口非常满足😋。
什菜拼盘
7 浏览
0 赞好
0 留言
呢度最值得赞赏员工不时会自动替食客加汤，而加汤嘅汤底都系浓浓嘅汤底，绝对唔会马虎。
张贴
