小小串 (已結業)

上次试完个安格斯牛觉得好好食之后，心思思又想再食其他嘅串烧。佢哋有一样好贴心嘅安排就系喺舖头前面放咗一set台櫈，令我呢d大食鬼又想即场食嘅人可以即时享受到串烧嘅鲜味，加分。呢两次分别试咗佢哋嘅墨鱼咀，鳗鱼，鸡肾，鸡软骨，台湾肠，安格斯牛同埋扇贝。安格斯牛质素同上次一样，都系好好食。鳗鱼调味较得好好，酱汁唔会太甜太咸，同埋咬落有少少脆口，应该系个火喉控制得好。鸡肾一d都唔靭，有嚼劲，调味啱啱好。台湾肠唔错，同岀面d正正常常嘅串烧店一样。扇贝+蒜蓉一向都系唔会岀事嘅配搭，不过呢度嘅烧扇贝食得岀个味好鲜，加埋佢哋嘅辣粉会更加惹味。鸡软骨好酥脆，好钟意佢哋嘅串烧会烧到有少少脆口。最惊喜嘅系墨鱼咀。好大粒！好大粒！好大粒！(很重要所以要讲三次)咬落去好juicy。绝对系呢度嘅must eat item.希望呢间有heart嘅小店可以多d人去，继续喺西贡企硬守住啦。