集眾菜館

营业中

休息中

我估客人系唔会盲目支持嘅，呢度长期爆满就知道大厨嘅真功夫，试过几次无Book位想Walk-in都系唔成功嘅，所以衣家学精咗黎亲都会预先订位。今次叫咗3样野，分别系蒜蓉粉丝蒸扇贝、铁板啫啫生肠同埋铁板啫啫鱼春加鱼标。先讲蒜蓉粉丝蒸扇贝，师傅蒸得个火喉啱啱好，刚刚熟，于是入面仲系好Juicy，真系好鲜味，我够胆讲好多名店大酒楼都做唔到呢个水准。至于粉丝唔洗我讲都知佢地吸收晒扇贝嘅精华，所以千其唔可以放过啦。铁板啫啫鱼春加鱼标煮得好惹味，虽然鱼春加鱼标真系有D邪恶，不过值得为呢碟𩠌放肆一下，𩠌啤酒一流。鱼春同鱼标一D都唔鯹，好食。铁板啫啫生肠系老板娘介绍嘅，佢话系用新鲜猪生肠做，所以食落特别鲜味，于是咪试下，真系好食，直头要将胆固醇暂时忘记先。啤酒就饮呢只德国麦啤，麦味好香，又易入口，炎炎夏日真系Fit晒，一边饮一边食铁板啫啫生肠同铁板啫啫鱼春加鱼标坚正，结果我地3个人一共饮了12支。