Second Bite Bar & Cafe (紅磡灣中心) (已結業)

男朋友喺黄埔返工，之前已经同佢食过一次Second Bite Cafe，我哋都觉得呢度嘅意粉好食又唔贵。今日去接佢收工，好开心又有得食水牛芝士火腿沙律：水牛芝士好软身，一切流心超治愈😍巴马火腿咸鲜味浓，配搭沙律菜，口感非常丰富。鸭腿香辣炖饭：慢煮鸭腿外皮香脆，内里出奇地柔软，油而不腻。意大利饭煮得啱啱好，唔会腍啤啤仲保留饭粒嘅口感。酱汁调味出色，辣辣哋又唔会过咸👏🏻黑松露帆立贝扁意粉：帆立贝好厚肉，肉质绵滑。鲜虾都好肥厚，鲜甜且带香草等调味。全部都用牛油煎香过，逼出肉汁同时增强口感👍🏻收汁步骤到位，令每一条扁意粉都挂满浓烈嘅黑松露酱汁，creamy得嚟又唔会话好漏