影片
更多
2023-07-01
82 浏览
今次带一个好中意食鲍鱼嘅朋友，嚟试一试远近驰名嘅阿翁鲍鱼，点解话系远近驰名呢？因为呢间富豪酒家已经连续13年攞到米芝莲一星，相信对于中意食好嘢嘅香港人嚟讲，食米芝莲并唔系咩新奇嘅事，但要连续13年拎到呢个殊荣，就一定代表呢间餐厅有过人之处。今次拣咗$1480嘅「阿翁鲍鱼美食宴」套餐，一个价钱就可以试齐几个出名嘅菜式，性价比非常之高。套餐嘅菜式都相当丰富，首先开场带动味蕾嘅系「红烧砂锅包翅」。砂锅炖煮嘅包翅，烧到热辣辣咁上枱，汤汁非常浓郁，有种金华火腿嘅天然咸味，令人食指大动。个包翅质地滑溜，入口后即化，非常好味！接著就系主角「30头特选吉品鲍」。呢个菜式真不愧系餐厅嘅招牌菜，鲍鱼肉质紧致，口感弹牙，同时又唔失嫩滑，而且鲍鱼本身嘅鲜味同调味都非常搭配，可以话系干鲍最完美嘅呈现。第三道菜式就系「清灼唐生菜胆」。唔少人可能觉得生菜好普通，但系呢度嘅生菜胆真系清新爽口，清灼手法更显其绿意盎然，绝对系一道让人回味无穷嘅佳肴。然后就系「油泡生㓥斑球」。斑球经过油泡后，肉质变得更为鲜嫩，而且仲带有一股独特嘅香气。一啖咬落去，鲜美四溢，外表简单嘅斑球即使放喺其他名贵嘅菜式面前，味道亦都毫不失色。跟住系
今次带一个好中意食鲍鱼嘅朋友，嚟试一试远近驰名嘅阿翁鲍鱼，点解话系远近驰名呢？因为呢间富豪酒家已经连续13年攞到米芝莲一星，相信对于中意食好嘢嘅香港人嚟讲，食米芝莲并唔系咩新奇嘅事，但要连续13年拎到呢个殊荣，就一定代表呢间餐厅有过人之处。
今次拣咗$1480嘅「阿翁鲍鱼美食宴」套餐，一个价钱就可以试齐几个出名嘅菜式，性价比非常之高。套餐嘅菜式都相当丰富，首先开场带动味蕾嘅系「红烧砂锅包翅」。砂锅炖煮嘅包翅，烧到热辣辣咁上枱，汤汁非常浓郁，有种金华火腿嘅天然咸味，令人食指大动。个包翅质地滑溜，入口后即化，非常好味！
接著就系主角「30头特选吉品鲍」。呢个菜式真不愧系餐厅嘅招牌菜，鲍鱼肉质紧致，口感弹牙，同时又唔失嫩滑，而且鲍鱼本身嘅鲜味同调味都非常搭配，可以话系干鲍最完美嘅呈现。
第三道菜式就系「清灼唐生菜胆」。唔少人可能觉得生菜好普通，但系呢度嘅生菜胆真系清新爽口，清灼手法更显其绿意盎然，绝对系一道让人回味无穷嘅佳肴。
然后就系「油泡生㓥斑球」。斑球经过油泡后，肉质变得更为鲜嫩，而且仲带有一股独特嘅香气。一啖咬落去，鲜美四溢，外表简单嘅斑球即使放喺其他名贵嘅菜式面前，味道亦都毫不失色。
跟住系「蒜香海斑头腩」。海斑头腩部分，肉质丰满，而且鱼味浓郁。蒜香嘅味道更系为呢道菜式添上咗一份独特嘅美味，一种斑可以有两种咁好味嘅食法，餐厅可谓落足心思。
再嚟就系「富豪脆皮鸡」。见到「富豪」两个字就知道又系餐厅嘅招牌菜式。呢味菜上菜嘅时间比起其他菜式会耐少少，因为只鸡喺厨房师傅即刻烧出嚟嘅，先至确保到鸡皮嘅香脆，结果亦都证明等待系绝对值得嘅，鸡皮咬落去系直头听到脆裂嘅声，肉质鲜嫩多汁，而且味道浓郁，绝对系一道值得一试嘅佳肴。
食完只鸡就差唔多嚟到尾声啦，套餐嘅主食系「迷你鲜荷叶饭」。荷叶香气四溢，饭粒绵密可口，同时搭配埋脆皮鸡一齐食，口感层次丰富，会有种意犹未尽嘅感觉。
嚟到甜品环节，就有「原炖杏汁官燕」。呢个糖水非常滋补，官燕炖得入口即化，杏汁甘香，令人陶醉其中。甜点方面，就有曲奇同椰汁糕。曲奇松脆，椰汁糕则是绵绵致致，清香嘅椰子味同口感极佳，为呢个宴会画上一个完美嘅句号。总括黎讲，今次体验真系非常满意，员工嘅服务态度都好好，每道菜式都精致美味，令人食过返寻味。尤其中意食鲍鱼嘅朋友，一定要嚟呢间富豪酒家试吓！
张贴
