海膽仔

营业中

休息中

同好朋友补祝朋友生日，一定要拣一间有质素，有信心嘅餐厅。所以第一时间就谂到呢间，位于新蒲岗嘅「海胆仔」。餐厅环境整洁舒服，食物方面主打各式时令飞机直送海胆、鱼生、生蚝等等。更提供月替定食以供选择。个人喜好首推生蚝，各款生蚝有买五送一优惠，认真抵食，而且选择颇多。至爱《令和の怪物》（$68/只），肉质爽口鲜甜美味爆灯。只需加适量柠檬汁，就可以品尝到蚝的鲜甜原味。嚟到「海胆仔」冇理由唔食佢嘅招牌海胆。如果吾想咁独孤一味，呢个《海胆三色丼》（$148）就啱晒啦，嘅有海胆，再配上三文鱼子及香葱拖罗蓉，一次过满足晒三个原望。各式丼饭更均配送沙律及面豉汤，性价比十分高。「倍化带子吞海胆」（$98），呢个又系要推荐大家一试。紫菜再加厚厚带子，然后再包住海胆，入口海胆即溶，夹杂著带子嘅鲜，整个口腔充斥着浓浓的鲜甜味，久久不退，回味无穷。热食方面亦有拉面，朋友拣咗「汁烧鸡扒拉面」（$68），都很抵食。鸡扒肉嫩、浓郁汤底，配上原只流心蛋、紫菜、粟米、木耳丝及芝麻葱花，足料好味。