辣媽川湘私房菜 (已搬遷) 新店位置

喺大西北，我觉得好食嘅川菜其实真系唔多 ，而且都系喺元朗。辣妈其实已经食过几次，但系转完新menu之后，就不得了，好多新嘅嘢食亦都好吸引。系我最爱嘅酸菜象拔蚌，次次嚟都要叫，酸菜汤底嘅味道恰到好处，够浓味亦都够酸菜，又唔油，底下嘅薯粉同萝卜片吸收哂啲精华，超级正。虽然花蛤同酸菜鱼都好吸引，但系酸菜鱼比较多地方有，花甲喺街市都好易买，象拔蚌要处理，比较少有，所以呢个系我必叫之选。 干锅肥肠呢个其实系我随口叫嘅，原本想叫𠮶个应该系干煸肥肠。但系呢个干锅肥肠非常好食，有个火兴住，长期都热辣辣，亦都会为啲肥肠同薯仔带来一啲焦香味，薯仔亦都煮得好林好入味，肥肠亦都好干净，超乎想像嘅好食！