悅滿軒

之前同朋友食过一次，事隔差唔多半年，再嚟食多次。上次饮完呢个泥蟹汤太好味，今次再饮多次。个蟹味都系咁浓，加埋餐包食就啱啱好，唔会太咸。见到呢个和牛膝，有d好奇就叫嚟试一试。本身谂住系d和牛肉同意大利饭捞埋一齐，点知个和牛膝咁大嚿😂牛味浓之余，同时可以食到牛肉同牛根，口感一流。必食之选。另外叫咗个烟熏野鸡。一上台好大阵象，有专人帮手上碟，喺台边都闻到好大阵烟熏味。鸡肉食落，每一啖都好重烟熏味，鸡肉都好嫩滑。但份量比较少，可以一试。最后叫咗个柠檬挞，个挞几靓，影相呃like一流😂味道就偏酸，啱晒食完个和牛同野鸡，可以清一清个味蕾。