沙田新強記燒鵝海鮮酒家

营业中

休息中

阿女提起想食鸡粥，我哋不约而同立即想起沙田新强记烧鹅海鲜酒家，佢哋系招牌菜: 烧鹅、乳鸽和鸡粥真系食过都会翻寻味，而家地铁除咗东铁线，多咗屯马线，一出地铁站对面就系，酒家交通非常方便，话咁快就到左，侍应安排我哋入座后，立刻送上香茶。沙田新强记鸡粥：分大中小份量，就算一个人都可以叫，我哋两个人叫中就可以，份量足够食到饱，厨师先用姜及葱爆香鸡件，再用粥去煮。这样就能逼出鸡的香味，融化在绵绵的粥里面. 每一口粥都充满鸡香的味道。南乳吊烧鸡半只：本身想叫乳鸽，但系阿女话想试吓烧鸡，厨师用独特腌制方法非常入味，又保留鸡肉滑嫩，肉汁丰富。点些特别调制嘅南乳酱汁，非常惹味又香脆。椒盐鲜鱿：是一道香口菜式，用新鲜的鱿鱼制作，食落外层香脆，肉质紧实有弹性。最后有糖水送，红豆沙入口软腍，清甜中带一股果皮香。