串酒里 (已結業)

我对个铺名好有兴趣，问店员系咪因为间餐厅系巷仔度，有串烧食酒饮所以叫「串酒里」，店员话我讲中左，唔知如果佢唔钟意我的话，会唔会「串走我」呢一入到去，铺头偏细，不过有一阵熟悉的舒服感，似系系日本嘅居酒屋俾你吹下水舒解同发泄下唔开心嘅好地方。间野最吸引我嘅系佢地独家系度卖嘅酒，同埋呢度嘅布置，感觉上讲句错口都名正言顺过人 😂，你地望下贴系酒樽上嘅sticker, 笑死丫!烧蚝拼盘 - 一共9只，9款唔同味，我最钟意冬阴功味，未试过，好特别又好夹，蚝身又唔干，刚刚熟，其他味仲有蒜蓉，蒜蓉黑松露，芝士，蛋汁，mayo，刴椒 etc. 咩味都有。每款烧物都系即叫即烧，全部都火喉岩岩好，唔会过份烧得好耐令到d肉收干晒水，而且等都唔算等好耐，铺内亦冇咩油烟味。我建议一定要叫烧猪颈肉，惹味非常。鳗鱼就太多sause, 我比较钟意食干身的。另外鱿鱼同牛肉粒都系高水准之作，反而个韮菜偏咸~总括黎讲食得好满意，下次黎除左食，仲要试埋其他啤酒