金記冰室 (形薈)

营业中

休息中

今晚去到筲箕湾嘅金记冰室食晚餐，因为突然之间想食铁板餐又想锯扒。经济又好味嘅选择就梗系拣本地嘅冰室啦。所以一坐低唔使谂就拣咗西冷牛扒铁板餐，平时食开烧汁嘅我，今次转食蒜蓉汁，因为口感香浓啲。今晚就配意粉，再加碟菜心，这样Crossover 非常之有香港风味。饮品就有雪山杂果冰，但系好消息系餐厅今晚剩系得朱古力雪糕，我当然唔介意，因为我最钟意系朱古力。西冷扒好入味，果然蒜蓉汁可以令整个铁板餐更加香口。最后加两个小菜，XO酱虾球炒西兰花同埋中式凤梨小牛扒。XO酱虾球炒西兰花有少少辣，𩠌饭一流。意外嘅系佢除咗好足料，大大只虾之外，仲加咗唔少嘅蘑菇作点缀。中式凤梨小牛扒就有一啲清新嘅菠萝，酸酸甜甜嘅调味亦无盖过牛扒，牛扒口感丰富，味道香浓。