厚興瑜記手撕雞 (卓爾廣場)

营业中

休息中

一向有去开厚兴买手撕鸡外卖加𩠌，朋友话佢唔知厚兴有堂食，是日特登带佢黎卓尔居呢间分店食。🥢花雕醉鸡米粉朋友叫了醉鸡，佢话成日买手撕鸡，今次试下新野。卖相唔错，鸡件入味好有酒香，鲜味不涩，鸡肉仲好滑，高质👍米粉大大碗，个醉鸡汁太正，朋友直头攞黎捞米粉😆🥢胡麻酱手撕鸡捞乌冬自己点左胡麻酱手撕鸡配冷乌冬，本身好钟意食胡麻酱，而手撕鸡咸香有鸡味，肉质爽滑弹牙，冻食都唔会结油块。乌冬扁长形幼滑细腻，应该系用上稻庭乌冬，冻食有著爽滑口感，再配上麻酱真心正🤤🥣例汤是日系红青萝卜粟米马碲鸡汤，汤头极鲜甜又唔油腻，超正👍🥤港式泡沫咖啡另外仲加左野饮，要左樽仔咖啡，啡味几香微甜。🥤鲜奶水晶华田仲有水晶华田，入面嘅水晶系华田冻，好滑呀，饮品本身劲重奶香，啱晒爱奶人仕，呢个都系微甜㗎。好味好味🤤唔怪得不咁多人食。