柳氏家 (已結業)

沙田新城市一向食野贵，呢日行多几层先知原来呢度都开左柳氏家之前喺荃湾食过，计埋加一先$140有得疯狂食肉去边揾？最正既系铁板炒鸡无限追加之余，仲有得转韩烧继续食之前试过味噌蜜糖，甜甜地好惹味；今次决定挑啲小辣既烤肉味，配料有大葱、洋葱、金菇同青椒，睇见就知炒完出黎一定惹味十足鸡肉又大又嫩，位置无乜筋同肥膏，啖啖肉，用烤肉酱腌过咸甜适中，好香口。食鸡食到差唔多就转烧肉啦！炒鸡剩系可以拣一只味唔紧要，烧肉自助吧仲有三款口味拎，包括烤肉、柳氏辣酱同蒜香牛油另外仲有得拎开边鸡翼、秋刀鱼、牛仔骨。连青口、帆立贝、虾等海鲜都有，仲有唔少蔬菜类。100分钟唔怕食唔饱，最怕试唔哂必食帆立贝同虾，前者大大粒好饱满；后者爽口弹牙，而且剥左头，食起黎都好卫生方便。店员好热心咁教我地可以跟返韩国人食法，由清淡到浓味顺序食，层次会更丰富，愈后愈精彩倾开至知原来佢地真系有请韩国果边过黎教授过，连酱汁呢啲细节都跟足。右边既烤肉汁成日见，左边既味道甜中带微酸，店员教用黎点肉，果然更香肉味更突出烤肉一定要食猪梅头扒（左）同牛仔骨（右），牛仔骨肥瘦均匀，好重油香，肉质好嫩，入口即化，真系唔好怕肥，必试梅头反而走肥，口感同