裕鵝莊 (已結業)

以前每一次行完山入到深井，总系会去裕记食烧鹅，但始终唔系好就脚，终于而家唔使再入深井就可以食到裕记烧鹅啦！餐厅装修风格走年轻路线，地方宽躺阔落，坐得好舒适，多人食既话仲可以选择圆枱添，岩晒一家大细，三五知己。深井烧鹅例牌例牌都已经好大份，够3-4人食。烧鹅色泽赤红，鹅味浓郁，油脂比例平均。脂肪经明火烧制后逼出油份，皮脆而且味道甘香。一咬落去，有劲多肉汁，点埋个酸梅酱，绝配！椒盐鲜鱿外出食饭我好钟意拣啲系屋企好难煮得好食既𩠌，呢度既椒盐鱿鱼绝对无令我失望，选用新鲜鱿鱼，外层香脆，内𥚃肉质弹牙，口感烟韧。但系食落一啲都唔油腻，可以见到唔会有多余嘅油份。椒丝腐乳通菜通菜爽脆嫩绿，食落干而爽，翠绿又惹味，每一啖都有清脆的「滋滋」声，可见厨师炒得好够镬气！腐乳嘅份量拿捏得好好，太少会唔够味，过多又会太咸，呢个系啱啱好。椰香鲜奶桃胶最后食返个甜品中和一下，好足料，碗甜品入面有好多桃胶，而且椰奶香气扑鼻，香滑清甜又不会过腻，大满足！