影片
更多
2021-09-01
76 浏览
朋友之前喺Openrice book左呢间餐厅，一出上环A2站行5分钟左右就到铺头，喺港岛区嚟讲唔算难揾。佢间铺个门口唔系对住大街，反而系要转弯，喺一条小巷入面先揾到正门。餐厅系一间半楼上铺，地下果层系厨房，客人要行上一层先系食野嘅地方，一上到去已经觉得有一股浪漫嘅气氛，主要因为佢嘅灯光偏向昏暗同柔和，加上每张餐枱都放左一盏细枱灯，客人可以因应需要而去调整所坐位置嘅灯光，都几有情趣架~食物选择方面唔算多，以食扒为主，我地每人各嗌左一份美国安格斯特级平铁牛扒($118)，另加一份黑松露薯条($58)，味道嚟讲：牛扒质素普通，反而薯条比我地嘅惊喜仲大，黑松露酱香味浓郁，同薯条配搭非常之夹，加上份量亦比我地想像中多，所以真心推介呢份小食！当晚系星期二晚，但间餐厅都比我想像中多人，入座率都有8成左右，足以证明呢间餐厅真系几受欢迎嘅~如果想周末去试下嘅朋友，就要早啲book位啦，顺带一提：而家经Openrice book位，每枱可以获赠一杯Haagen Daz雪糕，当饭后甜品都唔错架~
食物选择方面唔算多，以食扒为主，我地每人各嗌左一份美国安格斯特级平铁牛扒($118)，另加一份黑松露薯条($58)，味道嚟讲：牛扒质素普通，反而薯条比我地嘅惊喜仲大，黑松露酱香味浓郁，同薯条配搭非常之夹，加上份量亦比我地想像中多，所以真心推介呢份小食！
当晚系星期二晚，但间餐厅都比我想像中多人，入座率都有8成左右，足以证明呢间餐厅真系几受欢迎嘅~如果想周末去试下嘅朋友，就要早啲book位啦，顺带一提：而家经Openrice book位，每枱可以获赠一杯Haagen Daz雪糕，当饭后甜品都唔错架~
美国安格斯特级平铁牛扒
$118
10 浏览
0 赞好
0 留言
题外话/补充资料：
食食下途中，餐厅突然停电，我地全间餐厅嘅客人当堂O左嘴，好彩佢好快就恢复返电力，如果唔系大家就要喺漆黑之中食饭了，原本间餐厅已经够暗架啦，停电果下直头系黑到伸手不见五指咁，连朋友个样都差啲睇唔清XDD
(以上食记乃用户个人意见 , 并不代表OpenRice之观点。)
张贴
