影片
更多
2014-01-20
601 浏览
当初一见到罗麦记嘅餐牌上面有一个道叫『砖头焗猪扒饭』既采，心谂咩名堂咁犀利？一直都好想去食过究竟，今个星期日又一家大细一齐去食嘢，终于一试罗麦记首先餐厅确实唔大，座位都几迫吓，我哋亦都等咗大概十分钟先有位坐。服务员态度确实一般，听到隔离枱想话要几杯暖水，个个服务员用不屑嘅语气话『就先攞过妳有冇人理』，跟住又行咗去。午膳时间多人实属正常，餐厅多人代表食物好食，但系如果客人黎到得到啲咁嘅待遇，肯定对餐厅嘅印象都会大打折扣。好啦题外话唔再多讲，由于其实我哋都系谂住佢新开将就黎试食一下啦，所以都毫不手软咁嗌咗好多嘢食。其中当然有砖头焗猪扒饭啦... ($75)猪扒肉质松软，番茄酱味道香浓，哋饭亦都焗得几软熟，唯一可改善嘅地方：如果可以多啲番茄酱同饭就好喇，其实有1/2都系面包，饭真系唔系好够食，而且就算系食面包，下面既面包完全冇茄酱，食落就会好寡，如果可以系放饭之前落咗几羹番茄酱先攞去焗，效果一定好好多。至于价钱..就确实系贵咗啲喇，个人认为又唔系真系咁抵食㖞。不过都要佩服老板嘅创意，砖头焗饭确实能够俘虏我哋呢啲为食一族嘅心妈妈嗌咗沙爹牛肉包，沙爹牛肉都唔错。呢个饭嘅牛肉公仔面味道无问题，但确
首先餐厅确实唔大，座位都几迫吓，我哋亦都等咗大概十分钟先有位坐。服务员态度确实一般，听到隔离枱想话要几杯暖水，个个服务员用不屑嘅语气话『就先攞过妳有冇人理』，跟住又行咗去。午膳时间多人实属正常，餐厅多人代表食物好食，但系如果客人黎到得到啲咁嘅待遇，肯定对餐厅嘅印象都会大打折扣。
好啦题外话唔再多讲，由于其实我哋都系谂住佢新开将就黎试食一下啦，所以都毫不手软咁嗌咗好多嘢食。
其中当然有砖头焗猪扒饭啦... ($75)
猪扒肉质松软，番茄酱味道香浓，哋饭亦都焗得几软熟，唯一可改善嘅地方：如果可以多啲番茄酱同饭就好喇，其实有1/2都系面包，饭真系唔系好够食，而且就算系食面包，下面既面包完全冇茄酱，食落就会好寡，如果可以系放饭之前落咗几羹番茄酱先攞去焗，效果一定好好多。至于价钱..就确实系贵咗啲喇，个人认为又唔系真系咁抵食㖞。
不过都要佩服老板嘅创意，砖头焗饭确实能够俘虏我哋呢啲为食一族嘅心
妈妈嗌咗沙爹牛肉包，沙爹牛肉都唔错。
呢个饭嘅牛肉公仔面味道无问题，但确实无咩特别之处，卖相亦都无咩特别。
呢个粒粒红豆冰奶茶认真要推介一下！钟意食红豆/饮红豆冰同奶茶嘅人一定会钟意呢杯嘢。红豆冻奶茶味道好夹，而且呢度用嘅红豆唔似得一般红豆冰咁硬掘掘，呢度嘅红豆系真系有浓郁嘅红豆味，口感有点像冰冻的红豆蓉，入面仲有两旧巨型红豆蓉造嘅冰块，真系充满红豆味。整体嚟讲呢杯嘢我比8.5分啦！题外话：呢杯饮品价价钱唔平，单点要$35,不过跟餐就平咗好多。
细路嗌咗冻朱古力饮，妈妈就要咗冻柠茶，父亲大人饮热鸳鸯，佢话呢到嘅营养掂㖞～
仲嗌咗个罗记炒蛋($20),不过无影到相，因为一嚟就俾我哋讲食食到唔晒。呢度嘅滑蛋确实有啲似牛奶公司果啲。仲有块多士添。但系都系个句喇，价钱值唔值就...因人而异喇...
餐厅有啲食物确实几有特色嘅～如果，我谂对阿爸阿妈嚟讲，当怀缅一下过去都几好嘅～始终主题餐厅嘅卖点大多数都唔会系食物嘅质素。当时吓就好喇～但系我绝对推介要试饮下佢哋嘅粒粒红豆冰奶茶！
张贴
