風車

营业中

休息中

收工约左老友食个饭，大围站一出直行到油站转右，街口已经望到风车块招牌，相当易揾。唔洗等位，一坐低就送上头盘番茄脆包，我用叉吉落去就断开，真系好脆，食落似酥，番茄新鲜好醒胃。白酒煮蚬好足料，蚬肉都算饱满唔会太细粒，无沙唔腥，个汁系白酒加cream，酒香同cream浓度刚好，蒜茸包烘得香脆，唔系翻叮整到林晒，同个汁好夹，食晒d料我仲忍唔住饮左几淡汁。辣肉肠好香但唔会太辣，虾有四只几爽口，配埋薯片炒埋一碟，都几饱肚。乳猪皮脆肉嫩，一啖咬落去就有两种口感，猪肉本身无乜调味，可以点乳猪酱或者彩椒汁，乳猪酱同平时中式乳猪无异，而彩椒汁我系第一次试，一放入口只味好熟，有d似热浪，岩我！纽西兰肉眼扒好大块，叫左五成熟，表面有焦香，切开望落合格，食落无乜筋淡淡肉，落少少盐同黑椒已经唔错。焦糖菠萝好甜，可以当佢甜品咁食。