so330

营业中

休息中

成日出街食好西，肥咗劲多。今日放lunch想食清淡啲，俾我揾到湾仔so330轻食 cafe，自此成为我嘅午餐top pick。So330谐音「身心灵」，由新生精神复康会经营。新生会致力服务精病康复者，330系列仲有cafe330，inno330，共融咖啡学院等，助他们融入社会，自力更新。俾钱食好西同时支持弱势社群，系我喜欢呢间餐厅嘅原因。环境简约风，打卡都几靓😝▫️素肉燥茄子定食 $98茄子份量够多够大，调味清淡，相对健康，中意健康嘅你一定喜欢。十谷饭营养价值高，比普通白饭糖份低，仲有更高饱肚感，食完返office一啲都唔眼瞓！瘦身食必选😄▫️和橙骨定食 $128手工和橙酱煮一字骨、青瓜渍物、黑醋凉拌有机菜、十谷饭选用有机肥料栽种的和橙烹调而成，天然滋味。第二日又黎食，因为真系冇乜「脂肪负担」！轻食好care-free~一字骨起码有7、8旧，估唔到咁多！和橙酱酸酸甜甜，清新开胃。鸿喜菇爽口，前菜蕃茄仔好惹味。