so330

营业中

休息中

灣仔的融合咖啡店，環境光亮舒適。客人不多， 無需等位 ，坐得舒服， 可以慢慢食。Ginger latte + 豆腐芝士蛋糕。蛋糕好香芝士味，但係就冇乜豆腐味😂咖啡狗狗拉花很可愛😊餐廳平時仲會舉辦工作坊， 可以學習烘焙。

昨日 早餐過後 再次食午餐，跟同事2人 order 泰式紅咖哩烤無殼素雞扒w/十殼飯 & +$18 蘋果紅菜頭檸檬西柚汁陳醋骨定食（陳醋骨漬物w/十殼飯 & +$18 蘋果菠蘿石榴羽衣甘藍汁 ）出色不夠 ，味道正常 選擇仍不太多，但午餐比早餐多人 ，飲品是樽裝的 飲不完可帶走方便

特意早返 去嘆早， 入門冇人只有一枱 ，我是第二枱客 包場😅 以掃QR code 下單， 早餐 款式不多，咖啡/花茶等. 價格五算平宜 觀環境同清潔度 是高order 左沙爹牛肉河， 不是傳統沙爹河， 主打素/清淡 所以味道 比一般 極淡至 冇味，對我仍可接受.咖啡 有水準的，還有花茶類餐具其中 是用了棒製品 是我喜愛的，感覺提升了， 而環境非常靈靜 有微音樂 看書式聊天 都可以

因要去灣仔會展參加活動而意外到訪到太原街呢間社企Café, 好喜歡這邊世外桃源的feel，環境大方企理，音樂舒服柔和，set lunch有兩款素食、兩款葷食，重點是蔬食Organic tofu定食超級好吃的😋 餐後坐在這邊喝一杯☕️真的有身心靈放鬆的感覺 💕難得的Sunday afternoon 可以清新下 遠離嘈鬧的塵囂，下次再encores👍

黃昏時分，附近連鎖咖啡店好多人，於是同巴士迷朋友黎so330睇下，好彩仲有開。我地叫左幾樣野：1- 純素手工香蕉合桃蛋糕 $32以前食過一次，但今次食就覺得有啲乾。2- 朱古力蛋糕非常creamy、濃郁！3- 薑味latte唔係好睇得到拉左個咩花，薑味唔夠。4- 凍latte巴士迷朋友話好味，用玻璃杯裝好似幾靚咁，啲冰融得幾快~環境呢度非常乾淨同乾淨，值得稱讚～服務學員員工都幾有禮貌，大家多點包容就可以～後記：有個學員員工「扭計」，見到女店長同店員好有耐心咁鼓勵佢同幫佢！

前幾日經過灣仔一條人來人往嘅小巷有一個超靚嘅Cafe發現原來係社企Cafe好似鬧市中嘅綠洲咁 環境超舒服裏面為傷健同復康人士提供就業機會食物味道都唔錯👍🏻仲有手沖咖啡-沙律菜新鮮夠爽脆 而且煙三文魚食落都幾肥美 油脂分明 最驚喜都係手沖咖啡☕️有淡淡的果香 口感清爽

大隱隱於市。隱藏在灣仔街市/太原街，就算路過都不一定留意到。走進去則豁然開朗，超高樓底，簡約明亮。so 330 是一家社企的餐廳，聲稱目標是幫助弱勢社群。平日這裡午餐是爆滿的。我在周六去，有座位。我選了韓式壽司套餐 $98，冇加一，不包飲品。飲品散叫。平日的跟餐飲品半价，周末則正價。我這個餐是全素的。我吃素没問题，現在外出用饍很多肉也不理想，寧願吃素，並不是宗教原因。湯是紅菜頭湯，足料，有很多素菜。前菜有二: 芝麻酱拌菠菜與凉拌木耳豆芽，都不錯。完全不是西餐，屬中式口味多些。韓式紫菜卷，內有青瓜红蘿白菠菜等。味道大路，不過不失。總結來説，這家餐廳價錢中等，食物也 OK，環境很好，位置方便，是不錯的。這裡的早餐有包飲品，似乎不錯，有機要再來試試。

難得喺office一班同事落街食，去咗社企so330,難得有位，大家都明，唔好要求太高，但坐得幾舒服😌。QR code落單，我叫咗紅酒🍷燉牛面頰十穀飯（$108）加鮮奶咖啡☕️（$17），飯🍚、湯🥣、咖啡☕️同西瓜🍉唔錯👍🏻，牛汁太酸，唔洗加一正👍🏻

今日送完阿仔反學路經啲間鋪之前一路都想試，但因為太早未開今日遲左反學，反而撞正時間來試下早餐都有好多選擇而我選擇左一個為一天帶來醒神開始既早餐🔆dayday330全日早餐賣相非常之靚！有煙三文魚、太陽蛋2隻、炒雜菇、意式香草包配忌廉芝士 同 香醋汁田園沙律！食材非常豐富，雞蛋係日本蛋，所以製作成太陽蛋，蛋汁濃郁，煙三文魚新鮮，炒雜菇啲菇夠軟滑，黑椒味配搭得岩岩好！意式香草包係鋪頭現場焗，包邊脆口內裏軟熟！ 🔆餐飲配：有機伯爵茶味道比一般茶濃小小同香啲，質素不錯！在此忙裏偷閑，休息一下，叉下電真係不錯！

呢間係一間新生精神康復會開設嘅社企Cafe，佢協助復元人士重新投入社會，希望大家比多D包容同支持呢間餐廳既職員。午餐set 有5項選擇, 有輕食沙律、又有素食選擇。午市套餐包括湯及水果。飲品及甜品需要另加。我揀左煙三文魚意粉，多加一個有氣熱情果綠茶，套餐加飲品有半價優惠。食物質素唔錯，味道方面會較清淡。食完冇甘大負擔嘛。餐廳環境都簡約舒適，唔使話食完即刻要起身走人, 壓力冇甘大。推薦比附近上班族，忙裡偷閒輕輕鬆鬆嘆返個午餐。

成日出街食好西，肥咗勁多。今日放lunch想食清淡啲，俾我揾到灣仔so330輕食 cafe，自此成為我嘅午餐top pick。So330諧音「身心靈」，由新生精神復康會經營。新生會致力服務精病康復者，330系列仲有cafe330，inno330，共融咖啡學院等，助他們融入社會，自力更新。俾錢食好西同時支持弱勢社群，係我喜歡呢間餐廳嘅原因。環境簡約風，打卡都幾靚😝▫️素肉燥茄子定食 $98茄子份量夠多夠大，調味清淡，相對健康，中意健康嘅你一定喜歡。十穀飯營養價值高，比普通白飯糖份低，仲有更高飽肚感，食完返office一啲都唔眼瞓！瘦身食必選😄▫️和橙骨定食 $128手工和橙醬煮一字骨、青瓜漬物、黑醋涼拌有機菜、十穀飯選用有機肥料栽種的和橙烹調而成，天然滋味。第二日又黎食，因為真係冇乜「脂肪負擔」！輕食好care-free~一字骨起碼有7、8舊，估唔到咁多！和橙醬酸酸甜甜，清新開胃。鴻喜菇爽口，前菜蕃茄仔好惹味。

🧡 so330📍 灣仔太原街38號太源閣地下A-C號舖------------------------------1️⃣ 有機洛神花醬煮陳醋香骨定食 $118推薦指數：👍🏻👍🏻👍🏻👍🏻一字骨搭配了洛神花醬及陳醋 有淡淡的洛神花香味 酸酸甜甜 開胃 肉質軟淋淋 一咬就開 不錯🥰十穀飯 用了十種穀物去煮飯 很香穀物味 健康 適合養生人士💕紅菜頭湯 清甜 足料 有紅菜頭 紅蘿蔔 西芹腰果😋還配了青瓜漬物 黑藻涼拌有機小蕃茄 新鮮水果(西瓜) 😍2️⃣ 檸檬香草烤無激素雞扒 $118推薦指數：👍🏻👍🏻👍🏻👍🏻無激素雞扒很大塊 厚身 煎得剛好 嫩滑多汁 還有香草味及檸檬味 味道有層次 美味😋蕃茄意大利粉煮得剛剛好 麪身軟硬適中 蕃茄汁用新鮮蕃茄做的 還有蕃茄肉及蘑菇🤩蕃茄味濃郁 調味剛好 不會過甜過酸 好食😍 湯和配菜與上述一樣 3️⃣ 薄脆焦糖泡沫咖啡 (跟餐+$24)推薦指數：👍🏻👍🏻👍🏻👍🏻口感豐富😍4️⃣ 菊花杞子有機蜂蜜 (跟餐+$17.5)推薦指數：👍🏻👍🏻👍🏻有菊花的香氣 亦有杞子味 加入了有機蜂蜜 潤喉 甜度適中 不錯🤩------------------------------餐廳由新生精神康

去開灣仔順便去玩具街行吓，發現原來有間好唔起眼嘅 cafe喺啲排檔後面，決定入去試吓。餐廳個樓底都幾高，裝潢以白色木系為主，連天花板個風扇都係木造，成個感覺令人舒服~ 🍊 和橙骨定食 個餐好豐富! 有紅菜頭湯、青瓜漬物、黑藻涼拌有機菜、和橙骨、十穀飯同生果。細細碗紅菜頭湯有晒紅蘿蔔、西芹、紅菜頭、腰果，足料清甜好味。其實我唔知咩係和橙，店員話係一隻有機橙嚟，佢地將和橙整成果醬，再入饌，成個過程聽落都幾繁複。和橙骨分量好多，大大嚿7件，味道酸酸甜甜，好開胃，係有幾嚿肉質鞋左少少。整體嚟講好飽腹，食到食物原味道，值得一試~😋蘋果紅菜頭汁 (跟餐半價 原價$33)跟餐半價揀左枝蘋果紅菜頭汁，蘋果同紅菜頭都抗氧化，味道酸酸甜甜，健康得嚟好啱夏天解渴飲。食食吓發現原來呢間係新生會社企嚟，周圍有啲關於身心健康嘅書同宣傳單張。社企原來都可以咁高質，真心難得，會繼續支持!👍👍

二訪這間標榜身心靈主題的咖啡店，座落於灣仔露天街市旁，因為被其他店舖遮蓋住，這所咖啡店是完全不起眼的。餐廳衞生環境一般，感覺今天到來更差，時不時有蚊滋仔飛過。員工總會在有客人的時候拖地，說實在確實太奇怪，雖然店中人客稀少，但又不是有客人倒瀉東西於地上，不停地在我們的腳下拖地就太阻礙客人了。說回食物質素，甫坐下已經有店員告知只剩下蛋糕和飲品，廚房的食材已經暫停。好，不要緊，但當時只是4點，有點奇怪所有東西也賣完，還是沒有足夠食材給予顧客呢。嗌了一杯熱蜂蜜，但完全沒有蜂蜜味，伏芝麻海棉蛋糕，整體一般，質地淋身，但芝麻和海棉同樣沐身就口感欠奉。幸好，最後這個巴斯克綠茶芝士蛋糕還不錯，很和濃的綠茶味，芝士亦很厚實，屬於中上的水平。總體而言，這間餐廳就不會再去了。

好耐之前食過下午茶，今次食早餐。呢間係新生精神康復會經營嘅社企 ，330是「身」「心」「靈」嘅意思。約咗朋友返工前早餐聚一聚，可以坐得耐又傾到計，就試吓呢間。八點到佢哋剛開門，朋友揀咗有機薑黃厚多士配jam，我揀咗三色意大利香草包，QR code 手機點餐。我冇問朋友好唔好食，見佢個多士真係好黃！我個意大利香草包味道清新，三色係 avocado paste/tuna mayo/egg mayonnaise，絕對飽肚又健康！其實我要 black coffee，唔知係店員攪錯定朋友落單揀錯，我冇深究因為我樂意照飲唔會浪費，而且店員好有心機拉花！希望下次早返工可以試吓佢其他早餐。