Via Tokyo (已結業)

大约7pm食完晚餐，之后想食d甜品，就系openrice揾左呢间主打食绿茶甜品嘅餐厅via tokyo。听个名就觉得d甜品材料会系日本直送。餐牌上选择多不胜数，真系睇到眼花撩乱呀。最特别就系系8pm前黎度，仲可以选择下午茶添。我地都觉得下午茶几抵食，所以都有叫到。其中一个下午茶我地就拣左蕨饼、雪糕，另外加$5转左抹茶拿破仑。个拿破仑个人认为几好食，因为d酥皮好松脆，而馅就有绿茶味同云呢拿味嘅cream，好好食。而雪糕就拣左绿茶味，非常香浓，而且仲有d红豆，好正。另外，下午茶亦都可以加$5转抹茶芝士蛋糕。个芝士蛋糕嘅绿茶味非常浓，如果抹茶控黎一定好中意食。而牛奶雪糕亦都好滑好好食。生果抹茶雪糕白玉馅蜜都好值得推荐，因为佢有几款生果，好抵食。