食餐好本店

营业中

休息中

老友约食饭，话介绍间好嘢俾我，有海鲜又有刺身，地点居然喺火炭，究竟系真唔系呀？呢间位于工业区内嘅「食餐好本店 Eat Well Honten」离火车站唔算远，约十多分钟路程。一入到去就见到一排一排嘅鱼缸，十分壮观，放满各式各样海鲜，骤眼睇已经有面包蟹、南澳龙虾、青口、南非鲍鱼、日本松叶蟹、加拿大象拔蚌、百鸟贝、北寄贝、南非生蚝、澳洲大黑鲍鱼、法螺、栗子蟹及啱啱㓥起嘅鱼件，种类五花八门，睇到眼花撩乱。呢只估计有三斤几重嘅澳洲龙虾同超级大只嘅松叶蟹好吸睛㖞。刺身都有好多款选择，例如：三文鱼、三文鱼籽、吞拿鱼、象拔蚌、八爪鱼、牡丹虾、北海道海胆、富山萤光鱿鱼、带子…等等，由于食材由日本新鲜空运到港，最好预早订购，咁就包保食到最新鲜嘅第一手刺身啦。钟意打边炉嘅，呢度都有多款不同丸类可供选择：好似墨鱼丸、龙虾丸、牛肉丸，七彩海鲜丸咁。对于水嘅质素同卫生，老板娘都好有要求，全部海鲜都会用还原水机清洗干净至俾客人享用，包保食得开心又放心。当日不时见有附近街坊光顾，出手仲一啲都唔弱，好似呢盆超无敌嘅南非生蚝同刺身拼盘，单睇件头已经劲吸引；原来佢哋上次食过觉得正，所以今次特别约多几个friend喺店外嘅