影片
更多
2013-02-11
217 浏览
平时，返完自己𠮶边教会，都会同啲会友仔落去太子食饭，但因为早前好友阿志买咗车，我哋一班「美孚友」就完咗崇拜驱车返回美孚先食，等我哋悭番程车钱之余，提升佢架车嘅载客量，哈哈。第一次晌食晏时段嚟帮衬，之前两次都喺食夜晚，一样唔少客㖞。因为我哋大人连细路都成6个人，所以要拍枱都等咗10多分钟。入到去个感觉有啲唔同，装修无变，但好似大咗，再望真啲原来最入面幅墙无咗大半截，跟邻铺卖和食嘅「惠比寿居食屋」打通晒，而且两边食物可以互叫，即喺晌又一间可以叫隔离铺嘅寿司、拉面……，晌惠比寿又可以叫杯咖啡、三文治……，问问侍应原来两间铺都喺同一个老细，如果喺咁就应该一早打通佢增加协同效应啦！午餐分咗3组，第一组喺「特别推介餐牌」，喺一啲日式嘢系列，如刺身饭、锅物、拉面、乌冬，跟啡茶，定价上会高啲，$58-$79。第二组喺「精选午餐餐牌」，较为西式嘅选择，配汤或沙律，跟啡茶。而最后一组喺「炒饭面餐餐牌」，顾名思义即喺炒饭面，但又有汤饭同咖喱饭，同精选午餐一样配汤或沙律，跟啡茶，仲送小食一款，日日唔同，不过无得拣，喺指定咗，今日送嘅就喺日式炸饺子。此外，全部免收加一服务费，当然依个只喺午市优惠。餐汤有红汤（罗
第一次晌食晏时段嚟帮衬，之前两次都喺食夜晚，一样唔少客㖞。因为我哋大人连细路都成6个人，所以要拍枱都等咗10多分钟。入到去个感觉有啲唔同，装修无变，但好似大咗，再望真啲原来最入面幅墙无咗大半截，跟邻铺卖和食嘅「惠比寿居食屋」打通晒，而且两边食物可以互叫，即喺晌又一间可以叫隔离铺嘅寿司、拉面……，晌惠比寿又可以叫杯咖啡、三文治……，问问侍应原来两间铺都喺同一个老细，如果喺咁就应该一早打通佢增加协同效应啦！
午餐分咗3组，第一组喺「特别推介餐牌」，喺一啲日式嘢系列，如刺身饭、锅物、拉面、乌冬，跟啡茶，定价上会高啲，$58-$79。第二组喺「精选午餐餐牌」，较为西式嘅选择，配汤或沙律，跟啡茶。而最后一组喺「炒饭面餐餐牌」，顾名思义即喺炒饭面，但又有汤饭同咖喱饭，同精选午餐一样配汤或沙律，跟啡茶，仲送小食一款，日日唔同，不过无得拣，喺指定咗，今日送嘅就喺日式炸饺子。此外，全部免收加一服务费，当然依个只喺午市优惠。
餐汤有红汤（罗宋汤）、白汤（粟米忌廉汤）及中汤（青红萝卜煲猪展），餐汤属大路货式，唔叫好，亦唔太差，只喺一般套餐嘅「必备」。如果夜晚嚟，西汤会附送多一片蒜蓉法包添。
沙律沙律菜、罐头什果、车厘茄、红腰豆，细细碗，唔会有咩惊喜，跟套餐上嘅附加产品，志在令客人觉得抵食啲。晚市跟餐嘅沙律成份都大同小异，只喺份量再多啲。
松板牛肉饭 $45肥姐要咗个松板牛肉饭，饭量都几多，相反牛肉份量就普通，以烧汁煎煮牛肉粒，喺唔喺真系松板牛小弟就唔识分，但牛肉粒口感都松软嘅，汁酱味浓，上面洒咗啲木鱼碎，整体嚟讲都唔错。
老阔炒一丁（海鲜） $45池哥嘅身形老阔咁款，所以佢就拣个老阔炒一丁，睇落几足料，用料不赖，虽然卖相有啲乱堆堆，但池哥话唔错，一丁炒得少少爽。
泰式猪颈肉炒饭 $45志兄点咗个炒饭，单睇卖相，几掂㖞，饭粒炒得分明，色泽又「匀巡」，不过，见佢食得一半就停手，似乎有啲唔对路。佢话猪颈肉唔喺好得！
菜远牛腩炒面 $45咖喱姨姨好似几钟意佢啲牛腩，其实对上一次同老婆、姨仔嚟食，都有试佢个招牌牛腩，今次问咖喱姨姨整番旧一试，果然水准依然，肉质劲松化，炆得够晒腍身，反而个炒面做得麻麻，稍为炒过笼有啲干。
马来咖喱滑鸡饭 $48小弟嘅选择，对咖喱比较有好感，所以就拣咗个马来咖喱滑鸡饭。睇得出佢哋用上新鲜鸡件，所以肉质比较滑溜，老套啲讲句鸡有鸡味；而咖喱属马来风味，无印度咖喱咁多香料咁多层次，亦唔似日本咖喱带甜味，食起嚟椰香略重，都几香，稀杰度调校得唔错。钟意咖喱因为可以攞嚟捞饭，好老实，无𩠌净捞咖喱汁捞饭我都无问题㖞！
日式炸饺子（随炒饭面餐附送）一客两粒炸饺子，内馅喺免治鸡肉，虽然都喺啲雪藏货，不过炸得几香又卜卜脆，只喺油咗啲。
最后叹番杯奶茶，大家轻轻松松讲吓东讲吓西，咁又一餐喇。
张贴
