新記煲仔雞粥 (已結業)

今日决定食粥，嚟咗呢间出名食鸡粥嘅新记。咁当然要叫鸡粥食啦！粥底本身都够味，算绵，都唔错。鸡件有胸位有髀位，鸡胸位难免嚡啲，髀位就当然滑啲。夹夹埋埋都有七八件鸡，份量OK。.另外都有叫肠粉，呢度啲肠粉好似都出名。叫咗鲜虾肠，肠粉都算滑，收货啦。一碟有三条，每条肠粉有两只虾。皮蛋我拎嚟送粥食😉皮蛋同鲮鱼球整体都OK。鲮鱼球即叫即炸，食落热辣辣。火腿炒米粉，必加甜酱！炒米粉捞甜酱好食。.整体正正常常，如果想食粥肠粉炒粉类嘅话，都系一个选择。