荼香 (已結業)

一到门口就觉得餐厅装修得几靓几decent.门口有个打卡位，入到去有半层楼上位，都几靓。同朋友食lunch 被安排坐系角落位，但有落地玻璃睇街境，有啲自然光，影相好睇啲，又坐得几舒服。餐厅服务唔错，可以拣有气水/普通水，同朋友吹左阵水，到我地差唔多准备起行都会照样斟水俾我地，完全冇赶客feel，好nice。我地个日食lunch, 主菜一个叫左猪，一个叫左牛，前菜有两款，我地就一人叫左一款share。啲前菜都几好食，蔬果新鲜可口，餐汤系蚬汤，味道鲜甜，一啲都唔hea，仲有好多蚬肉。主菜份量比较少，如果好肚饿可能叫意粉个啲比较好。朋友个牛扒叫左5成熟，我都有试左少少，朋友觉得好好食，但我自己就觉得普通，不过个啲配菜我就觉得好好食🤣🤣，我真系劲钟意食配菜。我个个猪肉都唔错，但如果可以多几旧就好啦，分左旧比朋友已经所净无几😂😂Overall 感觉唔错，坐得舒服，服务又好，食物唔差，如果要约朋友出嚟chill下，或者揾人倾下野，呢度都系唔错嘅选择。