Wish You A Mamaday

营业中

休息中

旧店喺桥底已经成日帮衬，转左新铺之后，地方更大，最劲系可以上台唱歌，仲认真到可以唱唱下连烟花都放埋，真系除咗食饭饮返两杯之外，仲可以饮嘢唱K直落。除咗饮嘢之外，呢度啲食物质素真系好高质，呢个三文鱼他她，份量好多，三文鱼切到细细粒再配埋牛油果，放喺脆卜卜多士上面食，真系好好味饮酒梗系要食串烧，我哋少少哋叫咗几串，不过要赞吓佢嘅鳝鱼，好肥美一啲都唔鯹，啖啖肉真系好好味。主菜三文鱼意大利饭，本身以为冇乜特别，但系用火枪烧过后三文鱼特别香，意大利饭竟然入边有大量芝士，食嘅时候见到拉丝嘅画面真系好治愈。另外牛肋条炒意粉又系出奇好食，牛肋条唔似出边切到好厚，薄切原来咁好味，牛味好出但肉质好软淋，配埋意粉味道浓郁，意粉软硬度适中，今餐系味觉视觉听觉都一晚满足晒。