影片
更多
2018-04-06
154 浏览
见今日天气咁好，又好耐无入过嚟西贡行下，就同伴侣入嚟游下车河，路过西贡码头嘅时候，见到呢间餐厅竟然有我哋去泰国旅行𠮶阵喺沙滩食饭嘅时候坐𠮶只坐垫，即刻唤醒哂我哋对泰国嘅回忆，所以今晚嘅晚餐就选择咗呢一间餐厅喇。餐厅嘅装横都带点泰国风，又有波笃同一个大柜嘅board game 俾食容借玩，同个餐厅名一样，带俾我一个泰国嘅moment，场内大约七成都系外籍嘅顾客，好有离港嘅感觉。呢度主打各式各样嘅手工啤酒，即刻嗌番个本地自家酿制嘅门神啤先，拣咗Monkey King马骝皇，色泽系动人嘅琥珀色，入口先系有一阵微微嘅焦糖香气， 紧接住嘅就系丰富嘅果味，留有少少麦香嘅余韵，aftertaste令人满意。蟹饼，蟹饼炸得酥脆，净系切开𠮶一个moment都已经听到咯咯声，咬开脆卜卜嘅外层，里面系一丝丝新鲜蟹肉，蟹肉嘅份量都好多，而且明显无沟到其他下栏入去个蟹饼入面，加埋面头个沙律酱，酸酸地十分开胃。七天风干”LINZ RESERVA”铁板烧烤安格斯肉眼扒，饮完杯啤酒之后就开始食个main，肉眼扒卖相吸引，经过风干后牛味更浓，肉汁丰富，油脂唔算好多，左上角既系芥末籽烧汁，烧汁肉味香浓，不过同芥末籽好似无
见今日天气咁好，又好耐无入过嚟西贡行下，就同伴侣入嚟游下车河，路过西贡码头嘅时候，见到呢间餐厅竟然有我哋去泰国旅行𠮶阵喺沙滩食饭嘅时候坐𠮶只坐垫，即刻唤醒哂我哋对泰国嘅回忆，所以今晚嘅晚餐就选择咗呢一间餐厅喇。
餐厅嘅装横都带点泰国风，又有波笃同一个大柜嘅board game 俾食容借玩，同个餐厅名一样，带俾我一个泰国嘅moment，场内大约七成都系外籍嘅顾客，好有离港嘅感觉。
呢度主打各式各样嘅手工啤酒，即刻嗌番个本地自家酿制嘅门神啤先，拣咗Monkey King马骝皇，色泽系动人嘅琥珀色，入口先系有一阵微微嘅焦糖香气， 紧接住嘅就系丰富嘅果味，留有少少麦香嘅余韵，aftertaste令人满意。
蟹饼，蟹饼炸得酥脆，净系切开𠮶一个moment都已经听到咯咯声，咬开脆卜卜嘅外层，里面系一丝丝新鲜蟹肉，蟹肉嘅份量都好多，而且明显无沟到其他下栏入去个蟹饼入面，加埋面头个沙律酱，酸酸地十分开胃。
七天风干”LINZ RESERVA”铁板烧烤安格斯肉眼扒，饮完杯啤酒之后就开始食个main，肉眼扒卖相吸引，经过风干后牛味更浓，肉汁丰富，油脂唔算好多，左上角既系芥末籽烧汁，烧汁肉味香浓，不过同芥末籽好似无乜关系；配菜系炸洋葱圈同车厘茄，不嬲极钟意车厘茄或者蕃茄同牛扒呢一个配搭，尤其是经过烤焗既车厘茄，软腍既茄肉加埋酸甜既蕃茄味，刚好中和咗牛扒既滞腻感。
印像中呢一间餐厅嘅前身都无依家咁多人，自从转咗手之后，啲人就多咗咁多，餐厅嘅人气果然系同食物嘅质素挂勾啊吓。
张贴
