薩莉亞意式餐廳 (良景廣場) (已結業)

天气好，当然要同阳光玩游戏啦，下午约上一班年青人去屯门行山，便于餐厅先填饱个肚先。来到餐厅时刚好12:00左右，人流未算多，自行进入找位坐便可。同年轻人食饭，选择唔算多，一系麦记，二系呢度，当然后者系容易有位坐，又唔驶赶住食，最紧要同大家可以吹吹水，分享生活趣味，学校奇事等。。。下单等左约5分钟，先上枱既系蒜香法包，已经差唔多次次都会叫，因为法包软度适中，表层涂上薄薄一层蒜粒，味道恰好，而且蒜香味不会抢夺了面包原味，唔错哦！之前食过芝士法包，个人都系钟意前者多d。其后上枱既系肉酱多利亚，呢款都系最近爱上的，表层有厚厚蕃茄蓉，肉粒及洋葱粒，肉质软熟适中，中间有奶油，酸微微，底层是饭粒，混合一齐食，酸酸甜甜，好开胃，醒神。今次略微味道上淡了一点，加上芝士粉，配搭刚好。一餐饭不只是享受，填饱肚子，而是能陪伴一班年青人，同佢地分享，已觉满足！