紫蝶花 (已結業)

食香港味星马泰野　*同男朋友食晕全港九*　星期日去左将军澳，行左去将军澳中心食晚餐。　呢间餐厅系紫色做主调，櫈系深蓝色，几靓。　餐牌都系紫色，靓！呢到嘢食都唔算贵，我哋二人叫咗个二人餐食。叫左2人套餐b，小食要泰式猪颈肉，主菜拣2个，泰式干炒牛肉河，马来咖喱牛肋条，马拉盏炒通菜，2杯嘢饮，冻嘅新加坡奶茶加$4 ，热柠水。好抵食，$288+$4(冻饮)，就有4𩠌2嘢饮，喺呢个位置来讲，好经济实惠。泰式猪颈肉小食分量正常，外皮烧得脆，肉又吾会干，岩我食，差不多7-8成都我食XD。泰式干炒牛肉河呢个就男友食为主，配料有鸡蛋，芽菜同第二主角牛肉，牛肉大块，都有成七八块。男友话钟意个味，好够镬气，河粉同配料又炒都好入味，又大碟。马来咖喱牛肋条呢个我食，因为我钟意食炆煮既，咖哩吾辣，合港人口味，钟意食辣加另加辣油，同埋牛肋条煮得好软熟，又有小小牛筋，索到咖喱入肉，加碗饭捞汁一流。马拉盏炒通菜厨房够镬气，通菜冇炒到黑晒，又好鬼香，小小辣又惹味，浓味人首选菜。饮埋杯特别既新加坡奶茶，多奶d，甜dd，茶底吾系港式果款，都好饮吾错。