魚鱻魚湯專門店

营业中

休息中

鱼鱼鱼鱼 (鱻: 唔识读) 喺荃湾路德围系好多年，喜欢食鱼汤米线的人都会听过或者食过。今日我就同个其实唔系好食鱼汤的朋友过黎试下，睇下佢会点评价，哈哈。所以我点左原条黄花鱼汤米线 ($65)，佢点左古法猪扒鱼汤米线 ($41) ，希望食到啲肉味隔一隔无咁腥，加埋黑色可乐 ($9) 。首先，我见店员啲态度又其系咁差，系唔算好欣勤𠮶啲啰，落单𠮶阵无讲过葱的部份，佢又主动问丫🤔 仲提我地袋可以用墙上的钩钩住添。而朋友食的猪扒，调味几好，肉质无腌到烂哂，调味不错亦食到返猪肉本身的味道同口感，亦可以间一间鱼汤的腥味。而我系饮汤控，基本上乜汤都唔会放过，所以鱼汤本身都系我的菜，原条黄花鱼汤米线上到黎，条黄花肉质白雪雪，滑溜溜，一夹肉就甩出黎，幼的鱼骨多喺腩𠮶个位，食的时候小心啲，而鱼汤的颜色亦好自然，我自己反而欣赏呢种透色的鱼汤，比较似自己喺屋企煲𠮶种。即使配埋米线亦唔会令成碗米线变淡味。