睿海御宴 (已結業)

今日同屋企人难得入到大坑，就去咗附近食饮茶食点心。上网睇咗呢间评价唔错，餐厅嘅壁画全部都系大坑火龙作为主题🤣 启发左我食完饭之后去埋附近嘅火龙文化馆~饮茶食点心每次都必点嘅一定系虾饺同烧卖，鲜虾饺王好饱满，胀卜卜，咬落去满满嘅虾胶同虾肉😋 而烧卖更加系有只鲍鱼仔喺上面🤣呢度嘅虾肉类点心做得几好，鲜虾菜苗饺虾味都几重，加埋清新嘅蔬菜，有加乘作用。豉汁凤爪蒸排骨呢个相对豉汁味就会比较重，屋企人就觉得比较咸，我自己就接受到。鱼汤鲜竹卷满足我饮汤嘅愿望，鱼汤入口舒服，鲜竹卷几索汤，咬落去好多汤汁。前菜木耳好开胃👍🏻