影片
更多
2024-11-08
2742 浏览
《惊安烧肉商店 - 尖沙咀》只要想食，边一日都系食烧肉嘅日子😌今次去咗尖沙咀另外一间人气嘅烧肉店试吓佢哋嘅九宫格，之前喺网上面见到好多人介绍嘅时候已经心郁郁，重点系点咗呢个九宫格就可以几乎试匀晒佢哋嘅和牛肉，一来唔惊净系食死一款会闷，二来就系可以对比到唔同部位嘅油脂同埋肉感💪🏻🤓所以今日捉咗我个同事收咗工之后就食个Early dinner，两个人叫咗一个九宫格同埋一份寿喜烧和牛就已经够晒食☺️揸咗车唔饮得酒，所以我哋两个都叫咗冷泡白桃乌龙茶顺便解下腻💁🏻♀️极·九宫格 $588呢度嘅九宫格一共有三款，最平嘅话三百几蚊就已经食得到，我哋就拣咗中位数有齐日本和牛同埋牛颈脊牛舌𠮶一款，店员会比一张九宫格嘅介绍表等我哋知道自己食紧边一款牛肉，肉味最浓郁嘅一定系牛颈脊同埋和牛赤身，两款嘅肉质都几鲜嫩，当然食落油花冇咁多😚而钟意食油花香味嘅就一定喜欢和牛三角腩、和牛友三角同埋和牛三角腩砖👍🏻虽然每人每样都系得一片，但系因为佢油脂比较丰富嘅关系，各款食一片都已经好足够啦☺️最肥美嘅一定系三角腩砖，净系烧嘅时候都睇到火光熊熊，每边烧10秒左右就已经好足够啦🤗而当日嘅时令和牛系一口和牛，入口有即溶嘅感觉，个
只要想食，边一日都系食烧肉嘅日子😌今次去咗尖沙咀另外一间人气嘅烧肉店试吓佢哋嘅九宫格，之前喺网上面见到好多人介绍嘅时候已经心郁郁，重点系点咗呢个九宫格就可以几乎试匀晒佢哋嘅和牛肉，一来唔惊净系食死一款会闷，二来就系可以对比到唔同部位嘅油脂同埋肉感💪🏻🤓所以今日捉咗我个同事收咗工之后就食个Early dinner，两个人叫咗一个九宫格同埋一份寿喜烧和牛就已经够晒食☺️揸咗车唔饮得酒，所以我哋两个都叫咗冷泡白桃乌龙茶顺便解下腻
💁🏻♀️极·九宫格 $588
呢度嘅九宫格一共有三款，最平嘅话三百几蚊就已经食得到，我哋就拣咗中位数有齐日本和牛同埋牛颈脊牛舌𠮶一款，店员会比一张九宫格嘅介绍表等我哋知道自己食紧边一款牛肉，肉味最浓郁嘅一定系牛颈脊同埋和牛赤身，两款嘅肉质都几鲜嫩，当然食落油花冇咁多😚而钟意食油花香味嘅就一定喜欢和牛三角腩、和牛友三角同埋和牛三角腩砖👍🏻虽然每人每样都系得一片，但系因为佢油脂比较丰富嘅关系，各款食一片都已经好足够啦☺️
最肥美嘅一定系三角腩砖，净系烧嘅时候都睇到火光熊熊，每边烧10秒左右就已经好足够啦🤗而当日嘅时令和牛系一口和牛，入口有即溶嘅感觉，个人对呢一款牛肉印象都几深刻，除此之外，和牛博多葱卷同埋牛舌都系不得不提嘅菜式，个葱卷唔使烧到太熟，牛肉嘅肉汁会渗透喺啲葱入面，而葱食落辣辣地仲有啲草青味，不过咁样先食得到博多葱𠮶阵香气👍🏻推介的
💁🏻♀️和牛寿喜烧 $98
呢一客和牛寿喜烧会由店员帮你用火枪烧至五成熟，点有蛋汁嘅寿喜烧酱汁，包裹住一件寿司饭😳美味嘅和牛油脂配上甜甜酱汁嘅味道令人好开胃，美中不足系旧饭如果可以大少少又或者直头比碗白饭我哋就更正啦😤食寿喜烧一定要配饭㗎嘛
💁🏻♀️冷泡白桃乌龙茶 $18
虽然我哋只系叫咗白桃乌龙茶，但系饮落一啲都唔马虎，解腻嘅乌龙茶渗透住阵阵嘅白桃香气，食咗咁多和牛肉的确系有舒缓饱滞感
张贴
