南北店

营业中

休息中

有人话，南北店易左手之后，味道大不如前！事实系，同屋企人作为南北店20多年来的忠实食客，每次嚟帮衬，味道感觉依然。多年来，虽然物价通胀腾飞，但正正因为南北店就算加价，都系十分大件夹抵食。举例来说，呢日我过嚟食快餐午餐A，洋葱猪扒饭，大大碟，价钱都系$42，真系抵食之选。而佢啲猪扒大大件，有成两块，洋葱汁又十分惹味，每次食完，我都觉得非常满足，嚟到南北店，首推佢嘅猪扒饭，转豉油汁亦可。食咗南北店咁耐，最令我赞扬嘅系，无论佢冷热饮品，完全唔需要加两蚊、三蚊，真系抗通胀首选～！所以每次嚟，我必定都会叫佢杯冻柠茶，茶底味浓，柠檬新鲜，配合上淡淡嘅糖水，味道恰到好处。