P.B.S. Premium Burger & Sandwich (已結業)

突然间好想食burger，于是就上网揾吓边间口碑比较好，而呢间小店唔唔系特别出名，但系评价都几唔错所以就拣咗嚟呢度食。店舖好细，但系布置都几有特色，至于汉堡包选择方面都几多，仲可以自己额外加toppings，除咗burger仲有三文治，唔系度度都有得食，仲有多款小食，配啤酒一流。《招牌至尊和牛汉堡》$158汉堡包超大个，配料嘅份量好十足，层次非常丰富，底底首先系蔬菜，生菜同蕃茄，然后芝士烟肉、和牛汉堡扒，煎蛋加埋牛油果，好满足，而且汉堡包本身都用竹炭包，几特别，包底煎过，脆脆地，好味。《芝士薯条》$30呢个芝士薯条做得好出色，炸得香脆之余，芝士粉好重芝士香，所以食起嚟薯条嘅芝士味都好出，好好味食到停唔到。《小食拼盘》小食拼盘啱晒我呢啲乜都想有嘅人，有炸洋葱圈、芝士条、炸鸡粒，仲有三款唔同嘅酱点，即叫即炸好脆口！ 食汉堡同埋炸嘢点可以少得啤酒，我同朋友嗌左一支1664一齐饮，总括嚟讲呢餐都几满意。