Golden Monkey (已結業)

放眼世界，唔少有型或者文化、藝術感好重嘅社區都係由工廠區轉化而成。香港都有好多轉型中嘅工廠區，今日嚟到曾經有唔少工廠嘅黃竹坑睇mural，下午茶都要食hip啲至得。One Island South啲餐廳，主調係走型格路線，Golden Monkey雖然似deli，但裝修都貫徹型仔主調。可能係假日下午茶時段嘅關係，比較靜局。佢外面有張bar枱仔，所以想戶外進食都可以嘅。好多地方做越式春卷都用中式皮，搞到不倫不類，但呢度真係用米紙包嘅，餡料都算足，但用嚟點春卷嘅魚露味道反而似泰式甜辣醬，呢度就爭少少喇。越南嘢都可以食薯條嘅。面頭撒滿紫菜，配明太子醬，東洋感濃。另外仲有茄汁同泰式辣醬，貪心嘅「醬怪」應該會幾滿足。