Ocio (煙廠街) (已結業)

旺角广华街呢间西式餐厅可以话系人气餐厅，每次经过都见到座无虚席，之前试过佢嘅晚餐及午餐，水准都不错，一直想试试佢嘅甜品pancake. Menu上面嘅特色pancake款款都非常吸引，而且价钱合理，今日同朋友经过旺角特意来试试他的pancake做下午茶呢！佢嘅Menu入边有几款都非常之吸引，有玫珑蜜瓜做主题嘅pancake，有朱古力心太软，有镬仔西多士等等主题甜品！款款都令我心跳加速，胃口大开！结果我就选咗比较特别嘅镬仔伯爵茶雪山pancake来试试呢！另外我叫咗杯榛子咖啡，而朋友就叫咗巨峰提子梳打水！哗！Pancake一上枱就非常之吸睛，有两层厚厚的pancake，一睇落都已经知道十分松软，而镬仔底部铺满左伯爵茶酱汁，而pancake上面有个云呢拿雪糕，见到已经急不及待要立即食一口！Pancake果然松软有香浓蛋香味，配上伯爵茶酱汁，很香伯爵茶味，配搭得非常之好，好食！加上云呢拿雪糕一冻一热，感觉非常之特别，我觉得很好食呢！至于饮品方面，这个榛子咖啡水准也不错，咖啡够香浓软滑，亦都不会太甜，是有水准的咖啡，而巨峰提子梳打亦都不会太甜，系最适合夏日嘅饮品！呢间人气餐厅嘅甜品都有一定水准