金寶冰廳

营业中

休息中

📍新蒲岗 金宝冰厅📍做嘢做到攰，谂住食个Tea！喺新蒲岗有呢一间金宝冰厅，老板好有人情味，会同客主动倾偈。之前食过几次，都觉得佢嘅嘢食好有，特别系奶茶。呢次嚟就嗌咗常餐，如果系下午茶时间嚟，就只系$36，可以拣蛋、餐肉、火腿等等两𩠌，再加主食（雪菜肉丝通、沙嗲牛肉公仔面等等），同埋一杯餐饮。好钟意食佢嘅煎双蛋，反蛋，真系可以做到蛋白脆，但系蛋黄系流心🥰🥰。佢嘅雪菜肉丝通都好好食，份量都好足。特别推介佢嘅奶茶，都系出名同埋好饮嘅！嚟食下午茶或者早餐都好抵！😆😆不过就唔好太期待环境舒服，系一般嘅茶餐厅，最紧要好食！