影片
更多
2012-03-03
81 浏览
渐渐，金装炖奶佬成为懒煮饭贪方便出街食嘅饭堂之一，其实，佢嘅质素又唔系话好好，好到得闲就去食𠮶种嘅饭堂，只系想平平哋快快趣填饱肚嘅话，唔系茶记，就系快餐店。依区啲茶记好一般，未有一间觉得好突出，一食就谂起佢；而快餐店，都系𠮶几个牌子，只系之前几次晌金装炖奶佬度食饭，质素都唔错，偶有惊喜添，所以多少对佢偏好多啲啲啫。今晚又无煮，皆因老婆返夜校最后一晚，上堂地点就正正同区嘅港大校外进修中心，佢9:00pm多放学，就一齐去帮衬炖奶佬，当庆祝读佢完个短期课程。晌度有个Chef Special 930，即系9:30pm先开始供应，当然比起一般嘅晚市平啲，三十零蚊一个餐，包餐饮或糖水，算几抵，而且选择又唔止三几款，餐牌底面两页，一共成16款俾你拣。滑蛋猪扒饭 $36小弟拣咗个滑蛋猪扒饭，想返起，依个饭系读书时代至爱嘅碟头饭之一，最正系啲滑蛋，滑溜溜捞饭一流。落咗单，好快上枱，哗！人都癫呀，劲多饭，多到我估有一般屋企饭碗嘅三碗份量，但猪扒就得两旧，心谂好揾笨啰。不过，好彩无闹出口啫，因为正将啲滑蛋捞匀啲饭时，刮吓刮吓原来有成5旧煎猪扒，虽然唔系旧旧都成大块咁，但夹埋都唔少呢！人哋就拨开云雾见青天，我
今晚又无煮，皆因老婆返夜校最后一晚，上堂地点就正正同区嘅港大校外进修中心，佢9:00pm多放学，就一齐去帮衬炖奶佬，当庆祝读佢完个短期课程。
晌度有个Chef Special 930，即系9:30pm先开始供应，当然比起一般嘅晚市平啲，三十零蚊一个餐，包餐饮或糖水，算几抵，而且选择又唔止三几款，餐牌底面两页，一共成16款俾你拣。
滑蛋猪扒饭 $36小弟拣咗个滑蛋猪扒饭，想返起，依个饭系读书时代至爱嘅碟头饭之一，最正系啲滑蛋，滑溜溜捞饭一流。落咗单，好快上枱，哗！人都癫呀，劲多饭，多到我估有一般屋企饭碗嘅三碗份量，但猪扒就得两旧，心谂好揾笨啰。不过，好彩无闹出口啫，因为正将啲滑蛋捞匀啲饭时，刮吓刮吓原来有成5旧煎猪扒，虽然唔系旧旧都成大块咁，但夹埋都唔少呢！人哋就拨开云雾见青天，我就拨开米饭见猪扒，饭又多，扒又多，称得上抵食夹多件。而质素方面，猪扒都软腍，煎得香口，只系肉味稍逊，好彩啲滑蛋做得几滑身，最紧要无过杰，否则变咗胶水献就死晒火，最怕啲献煮到好似食浆糊鼻涕咁。
鸭胸肉罗宋汤意粉 $32一大个汤碗盛上，睇落好似唔系好多，绝对好嘢沉归底。之前已经试过佢啲罗宋汤，做得确有一手，所以对依碗罗宋汤意粉都有一定信心。今趟再试，仍然有水准呀，依然做到浓郁非常，酸辣、肉香均徐徐从汤中渗出。意粉亦都煮得啱啱好，咬落仲带有少少韧劲，所以，都唔可以摊得太耐。至于啲烟鸭胸肉，不过不失，有微微烟熏味，肉质烟烟韧咁啦。
糖水既然餐饮以外，可以拣糖水，同老婆两个都想食碗糖水作结。我就要椰汁西米露，佢就要椰汁紫米露，前者好重椰奶味，又劲多西米，唔会捞嚟捞去都水汪汪；而后者紫米已经煮得好软糯，只可惜太杰身啫，杰到有啲似食糊咁！
两个餐嘅份量都比预期大，食得我好饱，仲要咁夜先食到咁饱，所以，一于夜啲先瞓，乘机打吓食评，唔使搞到太饱而瞓得唔舒服。如果佢唔系个紫米露麻麻哋，而烟鸭胸又普普通通，我可能会俾个笑面佢！今次都系OK住先，希望佢哋继续做好啲啦！
张贴
