樂天皇朝 (東薈城名店倉)

营业中

休息中

基本上每个月都会留一日嚟乐天皇朝，不过帮佢写食评就真系第一次。撞啱佢有10周年优惠，食满$100就可以用$10试食新出嘅叉烧小笼包，梗系即刻试一试。1️⃣叉烧小笼包（六个$10‼️）开头睇个宣传见个包红卜卜🤣以为系辣嘅，望真啲先至知个皮系模仿叉烧嘅颜色。皮系薄嘅，不过染咗色，外表未必睇得出。因为同样系猪肉馅，所以个味道、汤汁其实同原味小笼包差唔多，但入面会食到一啲切丁嘅叉烧，几好食。2️⃣肉碎干煸四季豆（$88）炒得非常惹味，送白饭一流！肉碎多到最后有剩😳3️⃣上海炒饭（$95）其实系几好味嘅🤣不过我哋配咗干煸四季豆，加埋榄菜就咸得济🫣4️⃣小食（$15）超爱佢个小食：炆栗子🌰+花生，汤汁嘅味渗晒入去，又冧又好食。曾经有一排小食转咗凉拌木耳，虽然都好味，但！我哋都为无栗子花生失望！😌超级推荐呢款！（唔洗另外加点，系一入座就跟茶送埋嚟）5️⃣茶（$24）我哋都钟意佢个茶，觉得好醇厚好好饮。6️⃣加一服务费店员通常反应都快，所以服务费抵俾。不过留意返：小笼包本身特价，但系计服务费时系计返正价（$88x10%）。今餐埋单$263。