糖佰府 (已結業)

当同朋友食饭倾得兴高采烈，之后既指定动作就系食糖水。行左一个街口就见到间糖佰府，朋友话呢间系出名𠮶间，门口写住since 2005 年，都做左好耐下。其实未入去已经有target想食榴莲同椰皇甜品，可惜呢期榴莲唔当造，所以冇卖。最后我地叫左双丸椰皇西米同心太软。双丸即系芋圆同黑芝麻汤圆，汤圆皮薄足料，芝麻味香浓。芋圆烟烟Unun，甜度适中。重点系个西米露有好重既椰子水味，特别清香，而且西米煮得刚刚好，口感好好。好耐冇食心太软，次次用叉拮开见到有朱古力酱涌出黎都会有种开心感觉。呢个心太软好好食，朱古力香浓，而且蛋糕外脆内软。佢仲用朱古力粉画左只熊仔 铺头坐得舒服，枱之间距离远，唔会迫，好适合我同友人继续鸡啄唔断，最后真系吹左成粒半钟先走😼