甜心良品 (已結業)

入元朗食饭，食完饭食唔饱就梗系要去食甜品啦～4人同行，叫左4款甜品:日落黄昏: 即系芒果西米露加一个雪糕球，之但系冇芒果肉，只系有D类似芒果沙冰放系面。苹果金宝脆脆+云尼拿雪糕球: 苹果肉系热嘅，雪糕系冻嘅，加埋一齐就又冻又热，几过引。焦糖窝夫: 个窝夫好好味，暖! 脆! 甜! 可以讲晒。蛋白梳乎里: 个碗边搽左好多油先拎入去焗，焗出黎好似好松咁，但系D油回流番去个梳乎里度搞到佢唔好食。元朗其实有好多甜品/糖水舖，唔一定要黎呢间食嘅。