影片
更多
2010-03-07
12 浏览
今日天气凉凉地，同妈咪食完个lunch，经过嘉咸街，决定黎berrygood买杯Yogurt食。其实香港而家开左咁多yogurt店，大部分我都未食过，今日见到而且又唔系太饱就入去食，当饭后甜品。=)星期日大概 2 点，入去时一个客人都无，睇黎呢D时间都无咩客人帮衬。入到去觉得店子好舒适，而且都有D位置可以俾你坐，可以悠闲地HEA 下，不过我由于赶时间，就买完一路行一路食啦。有两款选择，由于妈咪唔好呢样野，所以我都系买左杯细既自己食算啦。Quick Fix可以自选一种topping，佢今日既精选系芒果味，唔知点解我对芒果味一d兴趣都无，所以最后都系要左原味，另外topping个个姐姐推荐我要Reese's peanut butter cup，咁我就听佢讲要左呢只啦。$30 黎讲呢个份量一般，唔算平亦唔算贵，系中环地段系差唔多价钱。食到去好似食雪糕咁，不过佢无左雪糕既忌廉同奶味，而家系好清既yogurt味，带点点酸味，妈咪就麻麻地钟意，但我就觉得ok㖞。食落感觉无咁腻，其实一个人食既话我觉得Quick Fix呢个size真系差唔多，如果再大d我谂我会食唔哂。不过如果系夏天好热既话又系另一回
星期日大概 2 点，入去时一个客人都无，睇黎呢D时间都无咩客人帮衬。入到去觉得店子好舒适，而且都有D位置可以俾你坐，可以悠闲地HEA 下，不过我由于赶时间，就买完一路行一路食啦。
有两款选择，由于妈咪唔好呢样野，所以我都系买左杯细既自己食算啦。Quick Fix可以自选一种topping，佢今日既精选系芒果味，唔知点解我对芒果味一d兴趣都无，所以最后都系要左原味，另外topping个个姐姐推荐我要Reese's peanut butter cup，咁我就听佢讲要左呢只啦。
$30 黎讲呢个份量一般，唔算平亦唔算贵，系中环地段系差唔多价钱。食到去好似食雪糕咁，不过佢无左雪糕既忌廉同奶味，而家系好清既yogurt味，带点点酸味，妈咪就麻麻地钟意，但我就觉得ok㖞。食落感觉无咁腻，其实一个人食既话我觉得Quick Fix呢个size真系差唔多，如果再大d我谂我会食唔哂。不过如果系夏天好热既话又系另一回事。
一谂到佢可以无咁肥但又可以一尝甜品既滋味，都几开心呀。Reese's peanut butter cup 比我想像中甜左少少，有几香既花生味，带点点松化，表面系有少少既朱古力，个人觉得系不错既选择，如果唔想配生果，呢个都系考虑之一。
食完感觉比想像中好，市面仲有数间类似既yogurt店，等我又试下其他店子先。
张贴
