雲興隆小廚 (已結業)

终于到咗食煲仔饭嘅季节😍🥳。以前会去庙街食，到咗今时今日梗系唔会再去啦，好彩屋企附近嘅云兴隆小厨煲仔饭都坚出色。三个人食，叫咗两个煲仔饭：豉椒排骨同北菇滑鸡，另外再加名物豆腐咸鱼芥菜汤，同埋半只沙姜盐焗鸡。煲仔饭要等大约廿分钟先上枱，一打开盖，已听到嗞嗞声响，等一阵，再用铁羹刮底，一大块一大块饭焦已经成形，又香又脆，超级好食😋。食完饭焦再食𩠌，排骨肥瘦适中，又腌得入味，好食👍；北菇滑鸡呢...um...我冇食，唔知呢，不过见我妈食得津津有味，水准应该都唔会差得去边啦😁。