影片
更多
2017-11-23
972 浏览
早前约左朋友喺天后食晚饭，因为未够钟，又想揾个地方hea下，于是上网揾地方，记得呢间cafe好似话唔限时间(?)，几好坐，于是行过黎试试。由香港01经营，背景我唔知道太多，纯粹当一间餐厅咁评论。餐厅楼底够高，其实面积都几大，几阔落，装修有点raw，用嘅系木枱同一啲学校用嘅木椅子，以坐黎计，就其实唔会觉得特别舒适。一般咖啡店会更加舒服。但可以讲环境方面几静，唔会好似平时啲咖啡店咁嘈，而且买完野食/饮品，我谂坐大半日都冇问题，因为周日去到，人流都唔多，而眼见都有唔少人开埋电脑用，有wifi提供，若果想静静地消磨时间，呢度不错。但讲到食物，选择唔算多，以轻食为主，例如有意大利面、沙律等；不过我准备要食晚饭，就对食物冇咩兴趣。饮品方面有绿茶、花茶、水果茶、抹茶、乌龙茶、咖啡、朱古力等手调饮品，定价$28-38。同朋友一人点一杯饮品坐左一个钟，以hea时间黎计，目标达成，但以两杯饮品质素黎计，系非常普通，不值一提。如果味道正常，都唔会觉得贵；但因为味道太差，变相我觉得自己都系俾钱入黎买个位坐下。咁谂，会舒服好多。香蕉朱古力 38：朱古力味唔够浓，蕉味又唔香。芝士泡沫爆谷云雾绿茶 32：做名就够霸
但可以讲环境方面几静，唔会好似平时啲咖啡店咁嘈，而且买完野食/饮品，我谂坐大半日都冇问题，因为周日去到，人流都唔多，而眼见都有唔少人开埋电脑用，有wifi提供，若果想静静地消磨时间，呢度不错。
但讲到食物，选择唔算多，以轻食为主，例如有意大利面、沙律等；不过我准备要食晚饭，就对食物冇咩兴趣。
饮品方面有绿茶、花茶、水果茶、抹茶、乌龙茶、咖啡、朱古力等手调饮品，定价$28-38。
同朋友一人点一杯饮品坐左一个钟，以hea时间黎计，目标达成，但以两杯饮品质素黎计，系非常普通，不值一提。如果味道正常，都唔会觉得贵；但因为味道太差，变相我觉得自己都系俾钱入黎买个位坐下。咁谂，会舒服好多。
香蕉朱古力 38：朱古力味唔够浓，蕉味又唔香。
芝士泡沫爆谷云雾绿茶 32：做名就够霸气，见佢有芝士茶，作为芝士奶盖控，都忍唔住要一试。
芝士泡沫呢个名改得无错，因为真系泡沫咁转眼即消失，唔好期待系任何平时饮开嘅奶盖。
芝士层亦无芝味，泡沫薄到拎上手不久已经开始同饮品融合。
茶底有味，但偏苦涩，唔合格。
其他食物、饮品，我唔知点，净系呢两杯都令我唔想再访了，有点失望。
张贴
