唞唞

营业中

休息中

今日陪朋友出席一个俄罗斯旅游讲座，主办单位拣左呢间coffee shop，每个入场人士仕都要帮衬一杯饮品，饮品50至110一杯茶或手冲咖啡，见到价钱已经呆一呆。朋友拣左一杯绿茶Latte（$54）味道ok不过不失但唔系好甜，但真系无咩特别。一保堂，极上焙茶（$50）买的时候写明可以refill一次，嚟到杯嘢真系一个纸杯装住杯茶咁啰。想讲系我出去refill佢居然话太多客所以几乎拒绝话无得refill，后来佢叫我等佢做哂啲客之后再帮我refill， 后来佢又话无哂茶叶所以俾左杯冻嘅俾我。最失望系场地太细，坐位得10张左右，虽然不是店方问题，显然系主办单位拣错地方，安排不周，首先位置太隔涉，交通不便，行过嚟无遮无挡行25分钟先到，仲要店铺冷气不够，做嘢超慢，最令我反感及可笑是叫佢个喇叭音量熄左佢或较细啲，因为完全听唔到讲者讲嘢，佢居然话佢要留番啲音乐俾佢啲客，可笑嘅我唔系你啲客咩？我都系无折扣优惠行到身水身汗嚟到贵店用50蚊买一杯纸杯装嘅热茶咋，难为其他客人个个手持一杯冻饮企系到听。