影片
更多
2022-09-28
608 浏览
逸翠轩海鲜酒家📍 大埔白石角科进路21号逸珑湾II期LG楼19-20号舖去完staycation，朋友带路去咗逸珑湾一个商场内嘅酒楼饮茶。呢一次系我哋第一次饮啖茶食个包，所以值得纪念一下。 💰$75午市煲仔饭孖宝 🍚我哋嚟到已经系做紧午市，所以有呢个孖宝套餐可以拣，我哋拣咗凤爪排骨煲仔饭配鬼马炸两肠。凤排骨煲仔饭嘅饭好有咬口，凤爪同排骨嘅量都好够，好送饭。炸两肠嘅炸两好香好脆，肠粉皮唔会太厚，点埋甜酱麻酱一齐食，好好味。 💰$34黑金流沙包 🍞呢款黑色嘅流沙包大家应该唔陌生啦，朋友话之前嚟食嘅时候包面系有金色装饰，但今次就全个都黑鼆鼆，入面嘅馅真系会流出嚟㗎啵，热辣辣嘅时候食就最好味啦！ 💰$34鲜虾红油抄手 🦐🥟呢度嘅红油抄手有四粒，调味偏酸但后劲都有啲麻辣，食落似普通云吞，无咩特别，但都几大粒几抵食。 💰$38鹌鹑蛋烧卖 🪺🥟唔系间间酒楼都有得食鹌鹑蛋烧卖㗎，话说有无人知点解鹌鹑蛋烧卖永远都只系得三粒？佢嘅鹌鹑蛋蛋黄好香，烧卖嘅肉好爽口，得闲食下啲怀旧点心都几正㗎。 💰$263其实我都几钟意去饮茶㗎，因为选择好多又可以食得好饱，同朋友一齐唔一定次次去食Cafe或者高级餐厅嘅，去下饮
📍 大埔白石角科进路21号逸珑湾II期LG楼19-20号舖
去完staycation，朋友带路去咗逸珑湾一个商场内嘅酒楼饮茶。呢一次系我哋第一次饮啖茶食个包，所以值得纪念一下。
[价钱 Price]
💰$75
午市煲仔饭孖宝 🍚
我哋嚟到已经系做紧午市，所以有呢个孖宝套餐可以拣，我哋拣咗凤爪排骨煲仔饭配鬼马炸两肠。凤排骨煲仔饭嘅饭好有咬口，凤爪同排骨嘅量都好够，好送饭。炸两肠嘅炸两好香好脆，肠粉皮唔会太厚，点埋甜酱麻酱一齐食，好好味。
[价钱 Price]
💰$34
黑金流沙包 🍞
呢款黑色嘅流沙包大家应该唔陌生啦，朋友话之前嚟食嘅时候包面系有金色装饰，但今次就全个都黑鼆鼆，入面嘅馅真系会流出嚟㗎啵，热辣辣嘅时候食就最好味啦！
[价钱 Price]
💰$34
鲜虾红油抄手 🦐🥟
呢度嘅红油抄手有四粒，调味偏酸但后劲都有啲麻辣，食落似普通云吞，无咩特别，但都几大粒几抵食。
[价钱 Price]
💰$38
鹌鹑蛋烧卖 🪺🥟
唔系间间酒楼都有得食鹌鹑蛋烧卖㗎，话说有无人知点解鹌鹑蛋烧卖永远都只系得三粒？佢嘅鹌鹑蛋蛋黄好香，烧卖嘅肉好爽口，得闲食下啲怀旧点心都几正㗎。
[价钱 Price]
💰$263
其实我都几钟意去饮茶㗎，因为选择好多又可以食得好饱，同朋友一齐唔一定次次去食Cafe或者高级餐厅嘅，去下饮茶食个包都系一件乐事嚟㗎 ，下次去边度好啊？
张贴
