升哥點心 (已結業)

元朗近排都开左唔少新派点心铺，除左传统酒楼既一盅两件之外，仲提供唔少有创意又精致既点心。今次就同一位朋友试下系鸡地既「升哥点心」。点心铺提供几款茶饮可供选择，包括普洱、菊花同荞麦茶，而我地就拣左较容易入口既香片。食物方面，我地今次想试多啲唔同既口味，所以只系落左七款点心，而无叫到笼仔饭（之后见到隔离枱有食都觉得几吸引）。1.招牌流沙包上菜见到😏同朋友立即笑左，入面系满满既奶黄，好香，要趁热食。2&3. 升哥虾饺皇 & 原只虾烧卖作为传统既点心代表，虾饺同烧卖既皮够薄，馅料够实净有鲜味。4. 沙爹金钱肚靓靓老板娘是日推介，入口够谂够入味，又唔会过咸。5.XO酱菜苗饺菜苗鲜嫩，虾肉弹牙，配搭XO酱唔错。6.别有洞天脆皮肠今餐最惊喜，肠粉皮好滑，馅料好特别有新意，食过你就知，必点之选！7. 鲜虾腐皮卷外脆内软，点醋食至开胃。我同朋友六点前入座，唔使等就有位，之后食客陆陆续续入座坐满全场。座位放得够松，满座都坐得舒服。其实菜单有成三十几种点心、六款笼仔饭、数种时令炖汤同甜品，不过我同朋友实在太饱食唔落更多野，呢到落完单系要等一阵先上到菜，而且睇落够新鲜，可以感受到点心系即叫即做既。