上林茶舍 (太平山街) (已結業)

当个个都去coffeeology嘅时候，其实上环转角都有一间唔错嘅茶舍，环境幽静，室外同室内都有座位。自问对茶唔系好有研究，但系叫左一杯 Long Green Matcha 同一杯 Matcha Latte ， 店员好好咁问你杯抹茶鲜奶需唔需要少甜，如果你出去户外坐佢亦都主动帮你将茶端出去，服务真系十分好。好好彩店员主动帮我升级星野抹茶，虽然我唔知系有几特别，但饮落就好舒服，好顺滑，完全冇平时印像中有纯抹茶𠮶种苦涩味，真心唔错。饮完之后令我觉得茶道又系咖啡以外一个新世界，希望日后多啲时间可以再同店员倾计学多啲点去欣赏呢杯咁嘅艺术品 😌由于得一位店员，所以如果嚟嘅话可能要预多少少时间，因为佢真系好有心机咁逐杯整。