Doodie Cafe Bar (已結業)

去开荃湾见到呢间Doodie Cafe Bar标榜手工啤就打算入去食野兼试下佢嘅手工啤喇入到去气氛好好，好适合同朋友黎饮下酒倾下计。Menu都有好多唔同种类嘅野食，有唔同嘅主食好似意粉同热狗咁，另外都有好多小食岩哂送酒用，𠮶阵仲咁岩有圣诞set course添，都几抵食手工啤酒有好多唔同选择，多到我都唔知拣边样好最后就拣左只draft嘅麦啤同呢个狮子山下麦之恋人，味道都唔错好香麦味，岩哂中意手工啤嘅人黎啦。食物方面就叫左几款小食首先有呢个香煎牛舌有9同5块拣，黎到就发现佢好厚切，煎得好香配埋芥末好match之后仲叫咗个鱼手指，同平时出边食到嘅好食好多，大大旧脆脆地咁味道好好。呢个醉鸭舌见到好多枱都有叫，鸭舌每一条都超爽，加埋少少酒味有种好清新嘅感觉最后仲叫左个软壳蟹热狗，就咁睇相都知个蟹炸到好脆，成只蟹咁样食劲正呀! 加埋新鲜嘅沙律菜够哂满足。呢间bar除左啤酒够多够正之外，野食同小食都好有水准，无论倾计定食野都好岩黎呢度。