Burger Bar (已結業)

今日一个人去左中环食饭，假期开始啦，想轻松一下。本身一个人想去间cafe轻松下，点知我想去果间已经full哂睇黎要等好耐，之后我就去左一间餐厅食burger啦！餐厅位置唔算好旺场，宁静中带点休闲，听闻最近都非常人气呀！Burger Bar环境唔大反而好有外国风味！我叫左一个牛魔王汉堡！足足有两块厚厚burger steak，肉汁非常丰富，加上餐厅自家制酱汁，香甜非常惹味，有蕃茄、生菜、炒洋葱，我仲另外加左一只炒蛋！咬入口仲有蛋浆呀！非常高既burger我一啖都咬唔哂！餐厅非常细心供应手套，岩哂怕污糟又想食burger既朋友啦！先煎脆既面包都系我欣赏既地方！我叫左一枝啤酒，轻轻焦糖香好岩我口味，麦芽味道唔会太重，酒味轻轻，女仔好岩饮！下次会同一班朋友我会再黎架！